2015ean hasi nintzen Ikus-entzunezko Komunikazioa ikasten. Ez zitzaidan kuriositatea piztu 2017a heldu zen arte. Urte horretan heldu nintzen Txileko Desarrollo unibertsitatera zinema ikastera. Urte horretan aukera izan nuen errodajetan lehiatzeko eta proiektuetan sartzeko. Laburmetraiak zuzendu eta gidoiak idatzi ahal izan nituen. Muntaia, iluminazio eta ambientazio lanetan ibili nintzen. Gustatzen zitzaidan hori aurkitu eta gustatzen ez zitzaidana baztertu ahal izan nuen.

​

Hortaz, karrerari amaiera emateko fikziozko luzemetraia baten gidoia idaztea erabaki nuen. Gidoigintzak beti piztu izan du nire arreta. Ailegatu nintzen ​sinistera hori izan zela nire helmuga. Baina kuxkuxero aparta naiz. Ederki pasatu nuen gidoia idazten, eta idazten jarraitzen du. Baina gehiago probatu nahi nuen. Eta muntaiako masterrean sartu nintzen Kataluniako ESCAC zinema eskolan.

​

Gidoigintzan eta muntaian espezializatu naiz baina aurkitzen dudan guztiarekin kuxkuxeatzen jarraitzen dut​. Fikzioa zein ez-fikzioa interesatzen zait, baita sailkaezina den edozein proiektu. Bideo sormenaren munduak erakartzen nau, bisualak, bideoklipak, luze zein laburmetraiak, dokumentalak… Gogoetara eramaten zaituzten proiektuak ditut gogoko, hipotesi narratibo, formal zein emozional batetik jaiotzen direnak.

​

Proiektu berri batean murgiltzen naizen bakoitzean ikus-entzunezko munduaren dimentsio berri bat topatzen dut. Saiatu naiz azaltzen zer den zinema niretzako baina ezin dut, eta ez dut nahi. Orain nahi dudana da probatu eta gogoeta piztu proiektu berriekin, ikus entzunezkoen bitartez. Horrela, zinemaren azalpena gero eta konplexuagoa egingo zait.

​

​

​